Canles Dixitais

As tecnoloxías dixitais de comunicación dan forma á vida cotiá de moitas persoas en todo o mundo. Agora estamos a crecer con teléfonos intelixentes, consolas de xogo, tabletas e ordenadores como algo natural, incluso dentro dos centros educativos existe esta vida e por todo isto é moi necesario que o noso alumnado teña claro como son as canles dixitais.

Pero hai que ter claro tamén que os dispositivos tamén poden albergar perigos. Os nenos teñen menos experiencia na vida e menos coñecementos que os adultos e, por tanto, dependen dunha boa educación tecnolóxica por parte dos docentes o bo traballo dentro do proxecto.

 O alumnado interactúa a través dunha gran variedade de plataformas dixitais, non só como medio de comunicación, senón tamén como bosquexo, información... por iso é necesario que comprendan cales son os medios de comunicación dixitais apropiados para cada contexto, sobre todo para todas as tarefas e momentos do noso proxecto. Deben entender que non é o mesmo comunicarse a través dunha plataforma educativa, WhatsApp, ou unha rede social... Cada espazo ten as súas normas de conduta, dereitos, deberes, obrigacións e perigos.

O alumnado debe aprender que plataforma utilizar en base ás súas necesidades, como facelo de maneira responsable, e como actuar para evitar os riscos aos que se expoñen.

É importante que os pais vixíen aos seus fillos e poñan límites ao consumo dixital. Está demostrado que o consumo excesivo promove a depresión e a obesidade nos nenos, entre outros problemas. Os medios dixitais fan que o alumnado pase máis tempo a soas fronte á pantalla e en espazos interiores, sen moverse e isto ten consecuencias físicas e psicolóxicas: reséntense o desenvolvemento físico e a formación das habilidades sociais. No caso de educación infantil isto non ten tanta consecuencia xa que neste punto aínda non pasan demasiado tempo aplicando as tecnoloxías, pero temos que marcar os tempos para crear alumando que nun futuro teña claro os límitis e as consecuencias. Todo isto pode conducir a un círculo vicioso, as persoas que se volven obesas adoitan ser menos activas e máis propensas á depresión. Pola contra, o exercicio aumenta a liberación de hormonas da felicidade.